Во сила од: 19 септември 2022 год.
Објавено на: 19 септември 2022 год.
BYD Europe B.V. е посветен на заштита и почитување на вашата приватност. Овој документ опишува како се обработуваат вашите лични податоци кога ја користите нашата веб-страница или ги користите нашите услуги.
Во продолжение можете да најдете:
• 1 Вовед
• 2 Обработка на лични податоци
• 3 Кои податоци ги собираме и како ги користиме вашите информации
• 4 Период на чување
• 5 Безбедност на личните податоци
• 6 Споделување на лични податоци
• 8 Права во врска со личните податоци
• 10 Како ја ажурираме оваа Политика за приватност
Оваа Политика за приватност не се однесува на нашите овластени застапници или трети страни на кои директно им ги давате вашите информации, вклучувајќи, но не ограничувајќи се на: услуги за претплата, осигурителни компании или други трети страни. Овие субјекти се независни од нас и се одговорни за сопствената обработка на информациите. За повеќе информации, ве молиме обратете се директно до тие субјекти и нивните политики за приватност.
Оваа Политика за приватност („Политика“) дава информации за обработката на личните податоци од страна на BYD Europe B.V. во Холандија, приватно друштво со ограничена одговорност основано според холандските закони, со статутарно седиште во Ротердам и регистрирана адреса на 's-Gravelandseweg 256, 3125 BK Schiedam, Холандија („BYD Europe“).
BYD Europe и нашиот тим за заштита на податоци се достапни преку следните податоци за контакт:
• Поштенска адреса: s-Gravelandseweg 256 3125 BK Schiedam, the Netherlands
• Е-пошта: privacy.eu@byd.com
BYD Europe е дел од глобалната групација компании на BYD Company Limited од Шенжен, Кина.
Оваа Политика се однесува на сите лични податоци обработени од BYD Europe, кои се собрани од корисниците на оваа веб-страница или корисниците на нашите услуги („Лични податоци“). Овие вклучени лица во понатамошниот текст заеднички се нарекуваат субјекти на податоци („Субјекти на податоци“). BYD Europe е контролор на личните податоци.
BYD Europe го задржува правото периодично да ја прегледува и/или менува Политиката, со цел да се усогласи со (локалното и/или европското) законодавство, како и за која било друга цел што BYD Europe ќе ја смета за разумно неопходна.
За прашања и информации во врска со оваа Политика, ве молиме контактирајте го лицето за контакт за приватност на: privacy.eu@byd.com
Оваа Политика е надворешен документ наменет за Субјектите на податоци чии Лични податоци се обработуваат од страна на BYD Europe за која било од целите наведени во точка 3. Политиката се применува за обработка на Личните податоци каде што BYD Europe дејствува како контролор на податоци.
Вообичаено ги обработуваме следните лични податоци кога ја користите нашата веб-страница или нашите услуги за целите наведени подолу. Правната основа на која се потпираме за таквата обработка е исто така наведена во продолжение:
1) Пристап и користење на веб-страницата: Автоматски ги собираме вашите лични идентификатори (IP адресата на вашиот уред) и информации за локацијата (кои може да се одредат преку вашата IP адреса) за да ви овозможиме пристап до нашата веб-страница. Вашата IP адреса не ја чуваме трајно. Правната основа за обработка на овие податоци е легитимниот интерес на BYD Europe да им обезбеди на посетителите функционална веб-страница.
2) Закажување тест-возење: Ги собираме вашите информации за локација, вклучувајќи поштенски број или адреса, за да најдеме локален застапник и да закажеме тест-возење. Исто така, ги собираме вашето име, е-пошта и/или телефонски број, избраниот модел на возило, претпочитаниот начин на комуникација, како и името и адресата на избраниот застапник наведени во веб-формата. Правната основа за оваа обработка е преземање чекори на ваше барање за склучување или извршување на договор/согласност со цел реализација на вашите нарачки или други трансакции со нас.
3) Испраќање на вашата конфигурација: Ги собираме вашето име, телефонски број и/или е-пошта откако ќе ја испратите вашата конфигурација, со цел да го исполниме вашето барање за производи и услуги врз основа на нашиот договор со вас. Правната основа за оваа обработка е неопходноста за исполнување на нашиот договор со вас.
4) Контактирајте со нас / Поставете прашање или коментар: Може да ги собираме сите лични податоци што ќе одлучите да ни ги доставите при комуникација преку нашата веб-страница. Ова го правиме за да одговориме на вашите прашања и да ви ги обезбедиме бараните услуги или производи. Ги собираме вашето име и презиме, телефонски број и/или е-пошта, регионот и поштенскиот број, избраната тема, претпочитаниот начин на контакт и вашите прашања или коментари. Правната основа за оваа обработка е легитимниот интерес на BYD Europe да одговори на вашите барања.
5) Претплата на билтен (Newsletter): Може да ја собираме вашата е-пошта за да ве информираме за нашите производи, настани и услуги. Правната основа за оваа обработка е вашата согласност, доколку однапред сте назначиле дека сакате да добивате такви известувања. Доколку повеќе не сакате да добивате промотивни пораки, можете да се откажете во секое време со кликнување на копчето за одјава (unsubscribe) во самите пораки. (Повлекувањето на согласноста нема да влијае на законитоста на обработката извршена пред тој момент).
6) Персонализирање на вашето искуство: Може да ја собираме вашата IP адреса, типот на прелистувач, типот на уред и интеракциите на веб-страницата (на пр. прегледани страници и поминато време) за да ви прикажеме персонализирани содржини и функции. Правната основа за оваа обработка е вашата согласност. Согласноста можете да ја повлечете во секое време со прилагодување на поставките за колачиња (cookies) на веб-страницата.
Кога прибираме ваши лични податоци како што е наведено погоре, тоа го правиме преку колачиња и слични технологии. Ова го вклучува Adobe Target, кој ни помага да го тестираме и персонализираме вашето искуство на веб-страницата. Adobe Target ни овозможува да спроведуваме тестови за подобрување на дизајнот на страницата. За повеќе информации, ве молиме прочитајте го нашето Соопштение за колачиња.
На нашата веб-страница го интегриравме и алатката за управување со согласност „consentmanager“ (www.consentmanager.net) од consentmanager AB (Håltgelvågen 1b, 72348 Västerås, Шведска, mail@consentmanager.net) за да добиеме согласност за обработка на податоци и употреба на колачиња или слични функции. Повеќе информации можете да најдете овде.
Нашата веб-страница вклучува функции за социјални медиуми, како што се додатоци (widgets) за Instagram, Facebook и Twitter. Овие функции можат да прибираат идентификатори (како вашата IP адреса) и информации за вашата интернет активност (како на пример, кои страници ги посетувате на нашата веб-страница). Овие додатоци можат да постават колаче или да користат други технологии за следење за да го остварат тоа. Функциите и додатоците за социјални медиуми се хостирани од трети страни, па вашата интеракција со нив е регулирана според политиките за приватност на компаниите што ги овозможуваат.
BYD нема да ги користи или чува вашите лични податоци подолго отколку што е потребно за исполнување на горенаведените цели, за почитување на договорните обврски или во согласност со важечките закони.
Доколку имаме договорна соработка со вас како клиент на BYD Europe, вашите лични податоци вообичаено ги чуваме 7 години од датумот на завршување на соработката, освен ако не сме обврзани или овластени да ги чуваме подолго како што е наведено погоре, или доколку е потребно за воспоставување, остварување или одбрана на правни барања.
Во случаи кога сме ги добиле вашите лични податоци по поднесено барање за информации, тест-возење или какви било други информации за нашите производи или услуги, вашите податоци ги чуваме 1 година и 6 месеци од датумот на нивното собирање, освен ако во тој период не се воспостави деловна соработка со вас.
BYD има воспоставено силни технички и организациски мерки за заштита на вашите лични податоци во согласност со современите технолошки стандарди, особено за заштита од губење, фалсификување или пристап од страна на неовластени трети лица. По приемот на вашите лични податоци, применуваме строги процедури и безбедносни карактеристики за да спречиме неовластен пристап. Сепак, преносот на информации преку интернет не е целосно безбеден. Иако правиме сè што е во наша моќ за да ги заштитиме вашите лични податоци, не можеме секогаш да ја гарантираме безбедноста на податоците пренесени преку нашата веб-страница. Во несакан случај на инцидент поврзан со безбедноста на личните податоци, веднаш ќе го пријавиме истиот и ќе преземеме мерки за санирање во согласност со барањата на важечките закони и регулаторните тела.
Можеме да ги споделиме горенаведените информации:
1) Во рамките на BYD Group, што вклучува матични компании, поврзани правни лица, подружници, деловни единици и други компании под заедничка сопственост, со цел исполнување на нарачки, купувања, трансакции или обезбедување информации кои сте ги побарале во име на BYD Europe. Правната основа на која се потпираме за обработка на вашите горенаведени лични податоци во овој поглед е дека таквата обработка е неопходна за целите на легитимните интереси на BYD Europe и/или за извршување на договор во кој вие сте договорна страна.
2) Со овластените застапници на BYD за цели на продажба, лизинг и услуги за корисници, како што се одговори на барања за понуда, дијагностика на возила, одржување и поправка, закажување термини за сервис, како и за контакт со вас и обезбедување на побараните услуги. Правната основа на која се потпираме за обработка на вашите лични податоци е дека таквата обработка е неопходна за целите на легитимните интереси на BYD Europe.
o i. BYD Europe и овластените застапници на BYD се посебни правни лица со сопствени политики за приватност. Ве молиме имајте предвид дека секој застапник работи како посебен правен субјект и посебен контролор на податоци, па затоа треба да ја прочитате политиката за приватност на застапникот за да се осигурате дека ги разбирате неговите процедури. Дополнително, бидејќи застапникот често е вашиот прв контакт, тој може да одговори на сите прашања што ги имате во врска со неговата политика за приватност. Иако BYD Europe ги поттикнува своите застапници да обезбедат целосна усогласеност со сите важечки закони за приватност, BYD Europe не е одговорна за нивната усогласеност со законите и регулативите.
3) Со нашите добавувачи и даватели на услуги, агенти, подизведувачи и други организации со цел да ни обезбедат услуги нам или директно вам во наше име. Таквите трети страни можат да вклучуваат даватели на услуги во облак (cloud services), како што се хостирање и управување со е-пошта, или други трети страни кои ни обезбедуваат услуги. Кога користиме надворешни даватели на услуги, со нив ги споделуваме само оние лични податоци кои се неопходни за извршување на нивните услуги и имаме склучено договор кој ги обврзува да ги чуваат вашите информации безбедни и да не ги користат за други цели освен според нашите специфични упатства.
4) Со органите за спроведување на законот, владините агенции или други трети страни за да се усогласиме со законите и регулативите, правните процеси или барањата од државните органи; за да ги заштитиме нашите права, имот или безбедност, како и правата, имотот или безбедноста на нашите клиенти, вработени или јавноста; и за да спречиме или истражиме потенцијални измами, прекршувања на безбедноста или други забранети или незаконски активности.
5) Со други компании во врска со корпоративна трансакција, доколку имаме правна основа за тоа, односно доколку ние или дел од нашиот имот биде преземен од друга компанија, вклучително и преку продажба во случај на стечај.
6) Со други трети страни (како додатоци за Instagram, Facebook и Twitter) за кои ќе дадете овластување; со ваша експлицитна согласност, ќе ги споделиме вашите информации и со избрани трети страни по ваш избор. Овие услуги или понуди од трети страни подлежат на нивните Услови за користење и Политика за приватност, а не на нашите. Доколку имате какви било поплаки во врска со прибирањето, користењето или споделувањето на вашите лични податоци, или сакате да остварите некое од вашите права, ве молиме контактирајте ги директно соодветните трети страни.
Кога на трети страни им се овозможува пристап до вашите лични податоци, ќе ги преземеме сите потребни договорни, технички и организациски мерки за да осигураме дека вашите податоци се обработуваат безбедно.
Во принцип, BYD Europe ги чува сите собрани лични податоци во рамките на Европскиот економски простор (ЕЕП) или Обединетото Кралство (ОК). Со закажување тест-возење или на друг начин на споделување на вашите лични податоци, можеме да ги пренесеме тие податоци до филијалите на BYD лоцирани во ЕЕП или ОК. BYD ќе го прави тоа само доколку е потребно за конкретните цели наведени во ова Известување за приватност и во секое време ќе постапува во согласност со важечките закони за заштита на податоците.
Во случај да ги пренесеме вашите лични податоци во земја надвор од ЕЕП или ОК, за која Европската комисија нема донесено одлука за соодветност, обезбедуваме законит пренос и соодветна заштита на вашите податоци преку користење на Стандардните договорни клаузули (SCCs) усвоени од Европската комисија или, за ОК, Меѓународниот договор за пренос на податоци (IDTA). Доколку е потребно, применуваме и дополнителни соодветни технички и организациски мерки (на пр. шифрирање на вашите податоци или преземање други неопходни мерки).
Во согласност со важечките закони, генерално ги имате следните права да побарате од нас:
• пристап до вашите лични податоци што ги чуваме и добивање копија од нив
• вашите лични податоци да ви бидат доставени вам или на друг контролор во вообичаен, машински читлив формат
• ажурирање или коригирање на вашите лични податоци со цел тие да бидат точни или целосни
• бришење на вашите лични податоци од нашите евиденции во одредени околности
• ограничување на обработката на вашите лични податоци во одредени околности
• приговор на обработката на вашите лични податоци во одредени околности (на пр. доколку ги обработуваме за цели на директен маркетинг)
• повлекување на вашата согласност во секое време. Повлекувањето на согласноста нема да влијае на законитоста на обработката извршена врз основа на согласноста пред нејзиното повлекување.
За да ги остварите овие права, ве молиме контактирајте нè преку информациите наведени во Дел 9 подолу.
Овие права можат да бидат ограничени во одредени ситуации – на пример, кога можеме да докажеме дека имаме законска обврска да ги обработуваме вашите податоци, доколку откривањето на информациите би ги открило личните податоци на друго лице или доколку сме законски спречени да ги објавиме таквите информации. Во некои случаи, ова може да значи дека имаме право да ги задржиме податоците дури и ако ја повлечете вашата согласност.
Се надеваме дека ќе можеме да одговориме на сите ваши прашања во врска со начинот на кој ги обработуваме вашите податоци. Доколку имате какви било грижи, можете да нè контактирате како што е опишано во делот „Прашања и информации“.
Доколку и понатаму имате нерешени прашања, имате право да поднесете поплака до надлежен орган за заштита на податоци, особено во земјата на вашето постојано живеење или работно место. Листата на органи за заштита на податоци во ЕУ можете да ја најдете на: https://edpb.europa.eu/about-edpb/about-edpb/members_en.
Конечно, ве молиме имајте предвид дека таму каде што се потребни лични податоци за усогласување со законски или договорни обврски, нивното доставување е задолжително: доколку тие податоци не се достават, нема да можеме да управуваме со нашиот договор или да ги исполниме обврските. Во сите други случаи, доставувањето на побараните лични податоци е по избор.
Доколку имате какви било прашања во врска со обработката на вашите лични податоци, ве молиме прво прочитајте ја оваа Политика за приватност. За дополнителни прашања, слободно контактирајте нè на privacy.eu@byd.com или пишете ни на адреса: BYD Europe B.V. s-Gravelandseweg 256, 3125 BK Schiedam. Ве молиме имајте предвид дека вашето задоволство го сфаќаме многу сериозно. Доколку имате поплака, ве молиме испратете ја на истата е-пошта и ние ќе ви одговориме во најкраток можен рок.
Нашиот тим за заштита на податоци е достапен на: privacy.eu@byd.com
Можеме да ја ажурираме оваа Политика за приватност во согласност со промените во нашите деловни функции и мерките за заштита на личните податоци. Доколку направиме измени во оваа Политика за приватност, ќе ве известиме преку нашата веб-страница.